jasball@往布拉格的路~

有一班“ex朋友”，我成日比煩麻佢地，但佢地幫左我好多
但係出黎做野之後，決心同佢地疏遠
問題唔係出自佢地度
係我自己覺得如果做朋友係咁唔舒服既話，咁不如唔好做
有時我覺得，或者佢地會諗我而家出來工作，唔使靠佢地依班人
利用完佢地所以閃人講拜拜

除左做情人同做親人，其實做朋友，都好講緣份既
我不見得，悶果時約下你，電話個list保留左你，MSN仲留低你："Hi依排點呀？"，這些為朋友
這些應叫做酒肉朋友，以酒肉朋友來說，雖然我係需要 “走肉” （去走d肥肉）
但係個人無乜多餘錢去玩，多謝晒

其實我覺得，成日見既，未必係朋友
唔見既，又未必唔係朋友
朋友其實係羅個心黎對既
既然大家都無做朋友既心
朋友既心，最基本係個信字
其次係有個心想你好
如果依兩樣都做唔到既，咁KEEP黎做乜呢？

其實我個人比較怪，唔識同人打交道
人又唔醒，樣又唔靚，又唔係叻
我係窮我係計較我係唔買名牌我係唔鐘意使錢<----這些我通通都知道
但係，我唔會計落朋友度，我亦都唔會要想貪朋友既好處
我計我自己唔代表我會計你
或者就係我唔貪人地既好處，唔貪多個朋友多d著數，所以我先覺得我唔需要酒肉朋友

仲有，做AUDIT...... 邊有朋友架！